ສະບາຍດີທຸກໆທ່ານທີ່ຕິດຕາມຮັບຟັງລາຍການສຽງເພງຈາກ ແດນໄກຂອງ thelaotimes ແລະຂໍຈັດເພງໃຫ້ເລີຍ ເພາະເວລາໂອ້ລົມຖາມໄຖ່ສະບາຍດີກັນ ນັ້ນ ມີໜ້ອຍເຫຼືອເກີນ ວັນນະສອນຂໍຈັດ“ຂັບງື່ມກ້ຽວບ່າວ” ຂອງສິນລະປິນສາວຈາກ ສປປລາວ ນ້ອຍ ດອກແກ້ວ ແຕ່ສຽງບໍ່ນ້ອຍເດີ ຈະບອກໃຫ້ ສຽງຫວານໆອີກຕ່າງ ຫາກ. ຂໍເຊີນອອກມາຟ້ອນກ້ຽວກັນ ມ່ວນໆກັບຂັບລຳລາວໄດ້ເລີຍ ຊຶ່ງຂໍຈັດມອບໃຫ້
ທ່ານຜູ້ຟັງຊື່ ສົມຫວັງ ຈາກວຽງຈັນ ສປປ ລາວ ທີ່ຂຽນຂໍ້ຄວາມໄວ້ໃນໜ້າ website ຂອງ thelaotimes.ຫວັງວ່າ ທ່ານສົມຫວັງ ກໍຄົງຈະມັກຮັກຂັບລຳລາວທີ່ຈັດໃຫ້ໄປ ແລະກໍຢ່າລືມຂຽນ ເຂົ້າມາຫາທາງເຮົາອີກເຈົ້າ ແລະເພງຕໍ່ໄປນີ້ ຂໍຈັດມອບໃຫ້ທຸກໆທ່ານທີ່ໄດ້ກ່າວນາມ ດັ່ງຕໍ່ໄປນີ້: ວິສິດໄຊຍະຈັກ ຈາກອອສເຕຣ ເລຍ ບ່າວລ້ານຊ້າງ ວັດທະນາ ຄຳດອກທອງ ຈາກມະຫາວິທະຍາໄລແຫ່ງຊາດ ນ້ອງມອກ ທຳມະວົງ fanclub ທີ່ໜ້າຮັກ ທີ່ຄອຍສົ່ງຂໍ້ຄວາມມາຫາເອື້ອຍວັນນະສອນທາງ facebook ຢູ່ສະເໝີ ພ້ອມທັງ ທ່ານຍອດຊາຍ ຊິນນະຊາດ ຈາກຝຣັ່ງ ວັນນະສອນວ່າ ຈະຫາເພງໃຫ້ຖືກໃຈທຸກໆຄົນ ພ້ອມກັນໝົດຄົງລຳບາກ ແຕ່ເພງນີ້ ວັນນະສອນເຊື່ອວ່າຖືກໃຈໝົດທຸກໆຄົນເລີຍລະ ທັງຜູ້ຈັດຜູ້ຟັງ ລູກເລັກເດັກແດງ ບໍ່ເຊື່ອກໍລອງຟັງເບິ່ງ ກໍແລ້ວກັນ ໃນບົດເພງ “ຮັກບໍ່ລືມ” ທີ່ປະພັນໂດຍ ອ. ຈ. ຄຳຫຼ້າ ໜໍ່ແກ້ວ ແລະຂັບຮ້ອງໂດຍ ຕິ່ງໜ່ອຍ ພ້ອມໆກັນເລີຍ
0 comments:
Post a Comment