 |
| ປ. Juan Manuel Santos ປ່ອນບັດ ຂອງທ່ານ ໃນລະຫວ່າງ ການເລືອກຕັ້ງ ທີ່ນະຄອນຫລວງ Bogota, ວັນທີ 15 ມິຖຸນາ 2014. |
ປະທານາທິບໍດີ Juan Manuel Santos ແຫ່ງໂຄລຳເບຍ ໄດ້ຖືກເລືອກຕັ້ງຄືນອີກສະໄໝນຶ່ງ ໃນວັນອາທິດວານນີ້
ໃນອັນທີ່ເປັນການສະໜັບສະໜຸນຢ່າງຈະແຈ້ງຂອງປະຊາ ຊົນ ຕໍ່ການເຈລະຈາສັນຕິພາບຂອງທ່ານ ກັບພວກກະບົດ ນິຍົມຊ້າຍນັ້ນ.
ຫຼັງຈາກມີການນັບບັດເລືອກຕັ້ງສ່ວນໃຫຍ່ ໃນການບ່ອນປັດ ຮອບຊີ້ຂາດໃນວັນອາທິດວານນີ້ ບັນດາເຈົ້າໜ້າທີ່ເລືອກຕັ້ງ ກ່າວວ່າ ທ່ານ Santos ໄດ້ຊະນະຄູ່ແຂ່ງນິຍົມຂວາ ທ່ານ Oscar Ivan Zuluaga ດ້ວຍຄະແນນສຽງລື່ນກັນ ປະມານ 5 ເປີເຊັນ. ທ່ານ Zuluaga ໄດ້ຮັບຄະແນນສຽງຫລາຍກວ່າ ໝູ່ ໃນການເລືອກຕັ້ງຮອບທຳອິດ ເມື່ອ 3 ສັບປະດາກ່ອນ.
ທ່ານ Zuluaga ໄດ້ຕຳໜິຕິຕຽນ ອັນທີ່ທ່ານເອີ້ນວ່າ ການເຈລະຈາສັນຕິພາບທີ່ ດຳເນີນໄປຢ່າງຊ້າໆ ກັບພວກກະບົດ FARCແລະຢາກວາງເງື່ອນໄຂທີ່ເຂັ້ມງວດ ຂຶ້ນສຳຫລັບການເຈລະຈານັ້ນ.
ປະທານາທິບໍດີ Santos ເອີ້ນການເລືອກຕັ້ງນີ້ວ່າ ເປັນທາງເລືອກລະຫວ່າງພວກ ທີ່ຢາກຍຸດຕິສົງຄາມ ແລະພວກທີ່ຢາກໃຫ້ສົງຄາມນີ້ດຳເນີນຕໍ່ໄປໂດຍບໍ່ວັນສິ້ນສຸດ. ທ່ານກ່າວຕື່ມວ່າ:
“ມັນເປັນຄວາມຈິງ ທີ່ວ່າມັນຈະບໍ່ເປັນການງ່າຍ ມີອຸບປະສັກເລື້ອຍໆ ແລະມີສັດຕູໃນທຸກໆຍາມ. ໃນລະຫວ່າງການໂຄສະນາຫາສຽງເລືອກຕັ້ງ ນັ້ນ ປະຊາຊົນຫລາຍຄົນໄດ້ສະແດງຄວາມບໍ່ແນ່ໃຈ ກ່ຽວກັບຄວາມເປັນ ໄປໄດ້ໃນການບັນລຸສັນຕິພາບ ແລະຄວາມຢ້ານກົວທີ່ວ່າ ມັນຈະມີຂຶ້ນ ໂດຍບໍ່ຄຳນຶງວ່າຈະມີຄ່າເສຍຫາຍເທົ່າໃດກໍຕາມນັ້ນ. ພວກເຮົາໄດ້ຮັບ ສານຂອງພວກທ່ານແລ້ວ. ມັນຈະບໍ່ເປັນເຊັ່ນນັ້ນ ແລະຂ້າພະເຈົ້າໄດ້ ເວົ້າມາໂດຍຕະຫຼອດວ່າ ຈະບໍ່ມີສັນຕິພາບໂດຍປາດສະຈາກການຍົກ ເວັ້ນໂທດ ແຕ່ຈະມີສັນຕິພາບ ດ້ວຍຄວາມຍຸຕິທຳ.”
){kind=link}
0 comments:
Post a Comment